கோயம்புத்தூர் பல்பு

ஒரு ரெண்டுநாள் ஆபீஸ் வேலையா கோயம்பத்தூர் போனேங்க ...... (அதான் சென்னை மக்கள் சந்தோசமா இருந்தாங்களா ?)




அங்க லோகல் பஸ்சுல கண்டக்டர்கிட்ட

"சார் ஒரு காந்திபுரம் குடுங்க "

"எங்க ஊர்லே ஒரே ஒரு காந்திபுரம் தான் இருக்கு , அதையும் உனக்கு குடுத்துட்டா அப்புறம் நாங்க என்ன பன்றது?"

(அடங்.... ங்கொன்னியா இன்னைக்கு இவனுக போதைக்கு நாமதான் ஊறுகாயா? )

"சார் ஒரு டிக்கெட் குடுங்க "

"என்னது டிக்கெட்டா ? செருப்பால அடிப்பேன் நாயே , என்னைய பாத்தா உனக்கு எப்படி தெரியுது? "

(ஆஹா . இன்னைக்கு சனி சடைபோட ஆரம்பிச்சிருச்சு , இன்னும் என்னனென நடக்கப்போகுதோ ?)

"சார் காந்திபுரம் போக ஒரு பயணச்சீட்டு குடுங்க "

"ஓ........ அதுவா அப்படிக்கேளு , இந்தா "




(ஆஹா , இந்த ஊருக்காரனுக கிட்ட இனி வாயக்குடுத்து வாங்கிகட்டிக்க கூடாது )

போயி ஒரு சீட்ல உட்கார்ந்தேன் , நமக்கு அந்த ஊரு புதுசு , பக்கத்துல இருந்தவர்கிட்ட

"சார் காந்திபுரம் வந்தா சொல்லுங்க"

உடனே அவரு காந்திபுரம் , காந்திபுரம் நாலுவாட்டி சத்தமா சொன்னாரு , அப்புறம் என்னைய பாத்து

"சார் , நான் கூப்பிட்டு பாத்தேன் காந்திபுரம் வரமாட்டேங்குது , நீங்க வேணா ஒரு வாட்டி கூப்பிட்டு பாருங்க "

(அடப்பாவிகளா.................... வீட்டுலே யோசிச்சிட்டு வருவானுகளோ )

"இல்லை சார் காந்திபுரம் ஸ்டாப் வந்தா சொல்லுங்க , நான் அங்க இறங்கனும் "

"உங்க போன் நம்பர் குடுங்க "

"ஏன் சார் ?"

"இல்லை நான் அந்த ஸ்டாப்புக்கு முன்னாடியே இறங்கிடுவேன் , நாளைக்கு அந்தப்பக்கம் போவேன் , அப்ப காந்திபுரம் வந்த உடனே உங்களுக்கு போன் பண்ணத்தான் "

"@#$%##$#$$%$........................."