நாடு விளங்கிடும்

கருத்து கந்தசாமி

செய்தி : இனி அரசு அலுவலகங்களில் லஞ்சம் கொடுக்காமல் எந்த வேலையும் நடக்காது எனவே இந்த இந்த வேலைக்கு இவ்வளவு லஞ்சம் என்று நிர்ணயித்து கொள்ளலாம் என சுப்ரீம் கோர்ட் நீதிபதிகள் வருத்தத்துடன் கருத்து கூறியுள்ளனர் . (சத்தியமா தினத்தந்தில தான் படிச்சேன் சாமிகளா )

- நன்றி , தினத்தந்தி

அன்னை சோனியா காந்தி : சுப்ரீம் கோர்ட் நீதிபதிகளின் கருத்தை ஏற்று உடனடியாக இதற்கென்று தனியாக ஒரு துறை ஆரம்பிக்கப் படும் , அந்த துறைக்கு ஒரு அமைச்சர் மற்றும் இரண்டு இணை அமைச்சர்கள் நியமிக்கப் படுவார்கள் .

பா.ஜா .க: எங்கள் ஆட்சில் மேல்தட்டு அரசாங்க அதிகாரிகளே பெரிய தொகைகள் லஞ்சம் வாங்கிக் கொண்டு இருந்தார்கள் , கீழ்தட்டு அரசு ஊழியர்கள் கொஞ்சமாக லஞ்சம் வாங்கி மக்களை பாதிக்காத அளவில் இருந்தார்கள் . இப்பொழுது தலைகீழாக உள்ளது எல்லோரும் பெரும்தொகையையே லஞ்சமாக வாங்குகிறார்கள் , எனவே "எந்த வேலைக்கு எவ்வளவு லஞ்சம்" என்ற அரசின் இத முடிவை வரவேற்கிறோம் .

கோபாலபுரம் : ஆஹா மக்களுக்கு சேவை செய்ய என்ன ஒரு அருமையான வாய்ப்பு , ஆனால் அந்தோ பரிதாபம் மக்களுக்கு சேவை செய்ய எனக்கு வாரிசுகள் பத்த வில்லையே? இப்பொழுது நான் என்ன செய்வேன் ? சரி, சரி நம்ம துணை முதல்வரின் பேத்திக்கு இந்த பதவியை கொடுத்து விடலாம் .

தைலாபுர தோட்டம் : சொக்கா, சொக்கா இப்ப நான் என்ன செய்வேன் ? ஏன் இந்த சோதனை ? இப்படி ஒரு வாய்ப்பு மறுபடியும் கிடைக்குமா ? டே , வண்டிய கட்டுங்கடா கோபாலபுரத்துக்கு..... மகனே கவலைப்படாதே உன் பசலை நோயை குணப்படுத்த இந்த முறை கால்களில் விழுந்தாவது பதவியுடன் வருகிறேன் .

தற்போதைய கருப்பு MGR : இந்தியாவில் அரசு ஊழியர்கள் 26487002 பேர் , அதில் மத்திய அரசு ஊழியர்கள் 2498722 பேர் , மாநில அரசு ஊழியர்கள் 6482266 , மற்றும் ஒப்பந்த அரசு ஊழியர்கள் ......................... (டே ,போதும் நிறுத்துடா டோமரு )

கொடநாடு எஸ்டேட் : "எனது" ஆட்சி காலத்திலேயே மக்கள் நலம்பெற வேண்டும் என்று "நான்" ஏற்கனவே மத்திய அரசுக்கு தெரியப்படுத்தினேன் , மைனாரிட்டி தி,மு,க அரசு அதை தடுத்து விட்டது . மைனாரிட்டி தி.மு.க அரசு , மைனாரிட்டி தி.மு.க அரசு , மைனாரிட்டி தி.மு.க அரசு , மைனாரிட்டி தி.மு.க அரசு...................... (எச்சூச்மி.............. , ஸ்டாப் மூசிக் )

தமிழ் நாடு காங்கிரஸ் : இந்தியாவும் சலாமியாவும் சமாதன நாடுகள் , அன்னை சோனியா ஜி சொல்படி நடப்போம் . இந்தியாவும் சலாமியாவும் சமாதன நாடுகள் , அன்னை சோனியா ஜி சொல்படி நடப்போம் . இந்தியாவும் சலாமியாவும் சமாதன நாடுகள் , அன்னை சோனியா ஜி சொல்படி நடப்போம் .