நான் ஒரு தற்குறி சார்

நானெல்லாம் பாருங்க ஒரு தற்குறியா , செல்பிஷா இருக்கேன் சார் , கவுருமெண்ட்ட ஏமாத்துறது , டாக்ஸ் கட்டுறதுல பிராடுவேல பண்றது , கிரடிட் கார்டுக்கு பணம் கட்டாம ஏமாத்துறது , ரெட் சிக்னல்ல கிராஸ் பன்றது , ஹெல்மெட் போடாம வண்டி ஓடறது அட அதெல்லாம் விடுங்க சார் , ஒரு புரடுயுசர் பாவம் சொத்து பத்த வித்து கந்து வட்டிக்கு கடன் வாங்கி பலகோடி ரூபா போட்டு ஒரு படம் எடுத்தா அத ஓசில பாக்குறது இல்ல திருட்டு DVD 20 ரூபாயிக்கு வாங்கி அதுல பாக்குறது , பாவம் அந்த புரடுயுசர் தலைல துண்ட போட்டு போகவேண்டியது தான் சார் .

இவ்ளோ திருட்டுத்தனம், கேப்மாரித்தனம், மொள்ளமாரித்தனம் பன்ன நான் திருந்த கூடாதா சார்?

நேத்து ஒரு நியுஸ் பாத்தேன் சார் , அதுல இருந்து என்னோட தன்மானம் என்னைய கொலையா கொன்னுகிட்டு இருக்கு சார் , நாமெல்லாம்(நாமெல்லாம் என்பது எங்கள் ப.மு.க கட்சியை சேர்ந்தவர்கள் மட்டுமே, தக்காளி எல்லாம் மாட்னின்களா ???) என்னா வாழ்க்கை வாழ்ந்துகிட்டு இருக்கோம்?, இதெல்லாம் ஒரு பொழப்பா ?

அந்த நியுச பாத்ததில இருந்து சுயபச்சாதாபத்துளையும் , வெட்கத்துளையும் அப்படியே உங்க முன்னாடி கூனிகுருகி போய் நிக்கிறேன் சார் . இனி நான் திருநதியே ஆகணும், பிளீஸ் எனக்கு ஒரு சான்ஸ் குடுங்கள் , பிளீஸ் , பிளீஸ் ......


பாருங்க சார் அவனுக தான் சார் மனிசனுக , பாவம் கஞ்சிக்கு கூட வழியில்லாமல் இருக்கும் நிலையிலும் பிளாக் மணி எதுவும் சேர்க்காமல் கரட்டா டக்ஸ் கட்டுற நம்ம கலாநிதிமாறன் , ரொம்ப கஷ்டப்பட்டு 200 கோடி ரூபாய் செலவு செய்து , அதில் நேர்மையாக கணக்கு காட்டி டாக்ஸ் கட்டும் நம்ம ரஜினி சார் கூட 40 கோடி மட்டும் குறைந்த படச்ச சம்பளமாக வாங்கிக்கொண்டு நடித்து கொடுத்த "எந்திரன்" படத்தின் திருட்டு VCD விற்ற கடுங் குற்றவாளியை , இதுவரை யாரையும் ஏமாற்றாத , ஒழுங்காக டாக்ஸ் கட்டும் , ரெட் சிக்னல்ல கிராஸ் பண்ணாத , ஹெல்மெட் அணிந்து வண்டியோட்டும் அதோடு முக்கியமா இது வரை எந்த ஒரு படத்தையும் திருட்டு VCD யில் பார்க்காத நமது ரஜினி ரசிகர்கள் அந்த குற்றவாளியை பிடித்து நையை புடைத்து போலீசில் ஒப்படைத்துள்ளார்கள் . (ஹே........ அப்பா...... எவ்ளோ....... பெரிய..... வாக்கியம் ...... இருங்க கொஞ்சம் மூச்சு வாங்கிகிர்றேன் ).

நானும் மனிசன் தான் சார் , நானும் இனிமேல் வெட்கம் , மானம். ரோசம், பயிர்ப்பு , பண்பாடு எல்லாத்துக்கும் கட்டுப்பட்டு அவர்களைப் போல் ஒரு நல்ல மனிதனா , குடிமகனா , இந்தயனா வாழ ஆசைப்படுறேன் சார் , என்னை எல்லோரும் ஆசிர்வதியுங்கள் சார் .

-----நன்றி-----