போடா பன்னாட போயி பொழப்ப பாரு

கல்லூரி முடித்து எந்தஒரு குறிக்கோளும் (ஆமா இவரு பெரிய்ய ஆபிரகாம்லிங்கன்......குறிக்கோளாம் , குறிக்கோளு ...அடிங் ) இல்லாமல் விட்டேத்தியாக , ஜாலியாக சென்னைக்கு வந்தேன் . (பொறம்போக்கு , வீட்டுல அடிச்சு தொரத்திவிட்டாங்கன்னு சொல்லு)

ஒரு டிராவல்ஸ் (ஃபாரின் ரெக்ரூடிங் ஏஜென்ட் ) நிறுவனத்தில் ஆபீஸ் அசிஸ்டன்ட் வேலைக்கு சேர்ந்தேன் .

இன்சார்ஜ் , செக்சன் ஹெட் என்று முன்னேறி (அடிங்... கேப்மாரி .......... எவன் எவன் வாழ்க்கைல மன்ன போட்ட ?) பிறகு மற்றொரு டிராவல்ஸ்ல் மேனேஜர் (அடக்கலிகாலமே, யாரு அந்த கேன மொதலாளி) என்ற பொறுப்புடன் எனது வாழ்க்கைப் இனிமையாக (ஏன் சுகர் பேசன்ட்டா நீ ?) சென்று கொண்டு இருந்தது .

ஓகே இப்ப மேட்டருக்கு வருவோம் ...

2009 மே மாதம் , சென்னையில் உள்ள எங்கள் டிராவல்ஸ் அலுவலகம் சார்ந்த ஒரு மத்திய அரசு அலுவலகத்தில் சி.பி.ஐ அதிகாரிகள் சோதனையிட்டு சுமார் 15 கோடி அளவுக்கு அந்த அலுவலகத்தில் லஞ்சம் புரண்டு இருப்பதை கண்டுபிடித்தனர் . இரண்டு கோடி பணம் கைப்பற்றப் பட்டது . அந்த அலுவலகத்தின் உயர் அதிகாரி மட்டும் சுமார் 8 கோடி லஞ்சம் (மூன்று ஆண்டுகளில் ) வாங்கி இருப்பதாக சி.பி.ஐ பத்திரிக்கைகளுக்கு தகவல் கொடுத்தது .

இது சம்பந்தமான சி.பி.ஐ விசாரணைக்கு பயந்து டில்லியில் உள்ள தலைமை அதிகாரி துப்பாக்கியால் சுட்டு தற்கொலை செய்துகொண்டார்.

நேரடியாக வரும் பொது மக்களிடம் அந்த அலுவலகம் மிகவும் நேர்மையாக நடந்து கொள்ளும் . இந்த பணம் முழுக்க டிராவல் ஏஜென்ட்கள் மூலமாகவே பெறப்பட்டது . இதில் நடக்கும் தகிடுதத்தங்களை பதிவாக எழுத வேண்டும் என்றால் குறைந்தது 15 பதிவுகள் எழுதலாம் .....அவ்வளவு பெரிய்ய மேட்டர் இதுக்குள்ள இருக்கு .

கைது நடவடிக்கைக்கு பிறகு மத்திய அரசு பல கடும் சட்டங்களை கொண்டு வந்தது .அதில் ஒன்று பொதுமக்களே நேரடியாக அந்த அலுவலகத்திற்கு சென்று வேலைகளை முடித்துக்கொள்ளும் முறையை மத்திய அரசு கொண்டு வந்தது . இந்த நேரத்தில் விமான நிறுவனங்களும் எங்களுக்கு குடுக்கும் கமிசனை நிறுத்திக்கொண்டு பொதுமக்களே நேரடியாக e - ticket பெற்றுக்கொள்ளும் முறையை கொண்டு வந்தது . கடைசியில் டிராவல்ஸ் நிறுவனங்கள் மொத்தமாக முடக்கப்பட்டது .

உண்மையில் இந்த நிலை பொதுமக்களுக்கு மிகவும் பயனுள்ளது . டிராவல் ஏஜென்ட்டுகள் லைசன்ஸ் வைத்திருந்த ஒரு காரணத்திற்க்காக பொது மக்களிடம் கொள்ளை கொள்ளையாக சம்பாரித்தது .

இனி இந்த தொழில் நிரந்தரமானதல்ல என்ற நிலை வந்து விட்டது .

இனி நம்ம மேட்டர் ..............

நான் எனது நண்பருடன் பார்ட்னர்ஷிப் முறையில் புதிதாக மாடுலர் கிச்சன் (Modular Kitchen) என்னும் புதிய தொழில் ஆரம்பிக்க இருக்கின்றேன் (அட கஷ்ட்ட காலமே .......மாடுலர் கிச்சன் பீல்டுக்கு சனி உச்சத்துல இருக்கு போல ?). அதன் வேலைப்பளு காரணமாகத்தான் கடந்த இரண்டு வாரங்களாக பிளாக் பக்கம் அதிகமாக வரமுடியவில்லை. (பட்டாப்பட்டி said...... அடிங் ..... நீ வரலன்னா உலகம் அழிஞ்சு போகும் பாரு ....போடா பன்னாட போயி பொழப்ப பாரு ) .

சரி இனி என்னதான் நடக்குதுன்னு பாப்போம் .