தில் இருந்தா ஆட்டோ அனுப்பிப் பாருங்கடா

முஸ்கி :தயவு செய்து ஆட்டோ அனுப்புபவர்கள் இதை படிக்க வேண்டாம்.

நம்ம வானம்பாடிகள் சார் , போன பதிவுல ஒரே கமன்ட் போட்டு இருந்தார் , ஆட்டோ வராமலிருக்க ஐம்பது வழிகள்னு ஒரு புக் போட சொன்னார். (தெய்வமே... , தெய்வமே.... நன்றி சொல்வேன் தெய்வமே )

ஆட்டோ வராம இருக்கனுமின்னா பதிவு போடாம ஓடி ஒளிஞ்சு வாழனும் , அப்படி வாழ நாம என்ன கோழைகளா? , மறத்தமிழர்கள் இல்லையா? வீரம் நம் ரத்தத்தில் இரண்டரக்கலக்கவில்லையா ? என் தோள்கள் இரண்டும் தினவெடுக்கின்றன , எதிரிகளை பந்தாடுவதை விடுத்து ஓடி ஒழிவதா வெட்கம் , வெட்கம் ............... (ஆஹா....., ரோட்ல போற ஓனான வேட்டிக்குள்ள விட்ட கதையா , உனக்கு நீயே ஆப்ப தேடிகிட்டியே , ...ங்கொய்யாலே இன்னைக்கு உனக்கு சங்குதாண்டி )


என்னைய மாதிரி பலபேரு பதிவுபோட்டு ஆட்டோவுக்கு பயந்து போயி என்ன செய்றதுன்னு தெரியாம முழிச்சிகிட்டு இருக்கிறதா உளவுத்துறை தகவல் சொல்லிச்சு (என்னது உளவுத்துறையா ? நீ அந்த அளவுக்கெல்லாம் ஒர்த்து இல்லையே ?) ,

இனி ஆட்டோ வந்தால் என்ன செய்வது ? எப்படி அதை எதிர்கொள்வது என்று பார்ப்போம் ..

டுஸ்கி : என் அக்கவுன்ட்டுல USD 5000 கிரடிட் பன்னிட்டு , மேலே தொடருங்கள் .


1 ) ஆட்டோ நுழைய முடியாத 2 அடி சந்துக்குள வீடு கட்டி வாழலாம்.( மனசாட்சி: இதுக்கு குடும்பத்தோட மருந்த குடிச்சு சாகலாம்)


2 ) வீட்ட சுத்தி பெரிய அகழி வெட்டி அதுல நிறைய்ய முதலைகளை போட்டு வச்சிங்கன்னா , ஆட்டோ என்ன? டிரைன்னு , ஃபிளைட்டு கூட பக்கத்துல வராது . (அடங்...... ங்கொன்னியா நீ கெட்டகேட்டுக்கு உனக்கு ஃபிளைட்டுவரனுமா? நான் என்னைச் சொன்னேன் )


3 ) வீட்டுக்கு முன்னாடி "டேக் டைவர்சன்" போர்டு வச்சிங்கன்னா , எப்ப ஆட்டோ வந்தாலும் டைவர்ட் ஆகிப் போயிகிட்டே இருக்கும் .(பக்கத்து வீட்டு காரனும் அதே பயத்துல உன் வீட்ட நோக்கி டைவர்சன் போர்டு வச்சிருந்தா என்னா பன்றது?)

4 ) வீட்டு தெரு முனைல "நோ என்ட்ரி ஃபார் ஆடோஸ்" அப்படின்னு போர்டு ஒன்னு வச்சா ஆட்டோ உள்ள வராது . (ஆட்டோவுக்கு படிக்க தெரியுமா? ஒரு வேல படிப்பறி இல்லாத ஆட்டோ வந்தா என்ன பன்றது?)

5 ) எப்பவுமே ஒரு மருவும் , கூலிங் கிளாசும் போட்டு மாறுவேசத்துலையே இருக்கலாம் .(திடீர்ன்னு மழை வந்துட்டா என்ன பன்னுறது?)

6 ) வீட்டுல "பின் லேடன் , அல்கொய்தா" அப்படின்னு ஒரு நேம் போர்டு வைக்கலாம் . (அப்புறம் ஆடோ தேவை இல்லை , ஆட்டோமேடிக்கா என்கவுண்டர்ல போட்டு தள்ளிருவாங்க )


டிஸ்கி : இன்னும் நிறைய ரோசனைகள் இருக்கு , அப்பப்ப சொல்லுறேன் .