ஏழாவது அறிவு

சிக்ஸ்து சென்ஸ் டெக்நாலாஜி இந்த வேல்பூல் கம்பனி காரன் எப்ப கண்டு புடுச்சானோ அப்ப ஆரம்பிச்சதுங்க எனக்கு சனிப்பெயர்ச்சி . அந்த பிரிட்ஜ் விளம்பரத்த பாக்கும் போதெல்லாம் என்னோட வீட்டுகாரம்மாவோட டயலாக்

"பாரு மிசினுக்கு கூட ஆறு அறிவு இருக்கு, நமக்கு ஒன்னு வாச்சிருக்கே? மூணு அறிவு கூட இல்லாம? "

ஹி,ஹி,ஹி, நீங்க என்னை திட்டறதா தான நினைச்சிங்க ? அதுதான் இல்லை அந்த திட்டு எங்க வீட்டு பிரிட்ஜுக்கு . (எப்படியெல்லாம் சமாளிக்க வேண்டி இருக்கு ?).

அப்பத்தான் என்னோட அறிவுகள் எப்ப வளர ஆரம்பிச்சதுன்னு ஆராயிச்சி பண்ண ஆரம்பிச்சேன் .

டுஸ்கி: இப்போதைக்கு ஒவ்வொரு அறிவு வந்ததையும் சுருக்கமா சொல்லி இருக்கேன் , நேரம் கிடைக்கும் போது ஒவ்வொரு அறிவை பத்தியும் ஒரு பதிவு போடுறேன் .

--------@@@@@--------

முதல் அறிவு : பொய் சொல்றது

இது கிட்டத்தட்ட ஒன்னாப்பு , ரெண்டாப்பு படிக்கும் போதே வந்திருச்சு , எவனையாவது அடிச்சிட்டு வந்து அவன்தான் பஸ்ட்டு என்னைய அடிச்சான்னு பொய் சொல்றதுல ஆரம்பிச்சு இப்ப பெரிய ஆழ மரமா வளர்ந்து நிக்குது .


ரெண்டாவது அறிவு : திருட்டு அறிவு

இது செவன்த்து , எய்த்து படிக்கும் போது இருக்குமின்னு நினைக்கிறேன் , எப்ப வீட்டுக்கு தெரியாம சினிமாவுக்கு போக ஆரம்பிச்சானோ? அப்போ, அப்பா பாகெட்டுல இருந்து காச திருட்டு ஆரம்பிச்சதுல இருந்து இந்த திருட்டு அறிவு வளர ஆரம்பிச்சது.

மூணாவது அறிவு : சைட் அடிப்பது

இது 9th படிக்கும் போது வளர ஆரம்பிச்சது , என்னைக்கு ஹைஸ்கூல்ல சேந்தனோ? அப்பவே இந்த அறிவு அசுரத்தனமா வளர ஆரம்பிச்சது .


நாலாவது அறிவு : லவ் பண்ணுவது

இந்த அறிவு +1 ஆரம்பிச்சு காலேஜு , அப்புறம் ஆஃபீசு அங்க, இங்கன்னு கல்யாணம் முடியிற வரைக்கும் இந்த அறிவ பலபேர் கிட்ட வளந்துச்சு.


அஞ்சாவது அறிவு : ஓசி அறிவு

படிச்சிட்டு வேலைதேடுறேன்குற பேர்ல பிரண்ட்சோட மேன்சன் ரூம்ல டெண்ட்டு போட்டு ஓசில உட்கார்ந்தப்ப ஆரம்பிச்சது ,அப்படியே சில பல வருசங்கள் அடுத்தவன் காசுலையே மஞ்சகுளிச்சம் பாருங்க அப்ப வளர ஆரம்பிச்சு , இன்னமும் எந்த அடிமையாவது சிக்குனாலும் தயவு தாட்ச்சண்யம் பாக்காம போட்டு தள்ளுற லெவல்ல இருக்கு .அந்த டைம்ல இந்த மூணாவது , நாலாவது அறிவுகள நல்லா டெவலப்பண்ணி வளக்குறதுக்கு ரொம்ப உதவியா இருந்தது.


ஆறாவது அறிவு : முட்டாள் ஆகுறது

அதாங்க கல்யாணம் பண்றது , இதுக்கு மேல இந்த அறிவ பத்தி என்னத்த சொல்ல ?

இதெல்லாம் இல்லாம நமக்குன்னு ஏழாவது அறிவு வேற ஒன்னு இருக்கு , அது தான் தி ஸ்பெசல் கிரேட் அறிவு ....


ஏழாவது அறிவு : மங்குனி அறிவு

நம்ம வீட்டு காரம்மா ஏன்னா திட்டு திட்டினாலும் , இந்த காதுல வாங்கிட்டு அந்த காதுல விடுறம் பாருங்க , அது எவ்ளோ பெரிய அறிவு ? எல்லா அறிவையும் விட இதுதான் அதிகமா வளந்திருக்கு.

டிஸ்கி : நமக்குத்தான் அந்தந்த கால கட்டத்துல எல்லா அறிவும் கரக்ட்டா தானே வளர்ந்திருக்கு அப்புறம் ஏன் குறை சொல்றா ??? எல்லாம் கலிகாலம்.....