குவாட்டர் vs புட்பால் வேல்டு கப்

நேத்திக்கு நைட் 7 : 30 புட்பால் வேல்டு கப் குவாட்டர் பைனல்ஸ்ஆரம்பிச்சது ,பிரேசில் vs ஹாலந்து , நமக்கு புட்பால் ரொம்ப பிடிக்கும் , கரக்டா போய் டி.வி முன்னாடி செட்டில் ஆகிட்டேன் .

நான் சின்ன வயசா இருக்கும் போது எங்க அப்பா மாதிரி பெரிய புட்பால் பிளேயரா வரனுமின்னு ஆசைப்பட்டேன் . ஆனா பாருங்க எங்கப்பாவலும் முடியல (எங்கப்பாவும் ஆசைப்பட்டாராம் ) என்னாலும் முடியல , சரி நம்ம பையன புட்பால் பெரியாளா ஆக்கிடலாம்ன்னு அவனைகூப்புட் மேட்ச் பாக்கசொன்னேன் .

கொஞ்ச நேரம் பாத்தவன்....

"லூசாப்பா நீ? இத போய் பாக்குற ? "
(அவனுக்கு கார்டூன் பாக்கணும் )

"என்னது லூசா? , டே... உலகத்துல முக்காவாசிபேர் இப்ப இததான் பாத்துகிட்டு இருப்பாங்க "

"அப்ப , உலகத்துல முக்கா வாசிபேறு லூசாப்பா ?"

நான் வாயே தொறக்கல

"ஏம்பா புட்பாலுக்கு தமிழ்ல என்னப்பா ?"

"இம்... கால்பந்து "

"பந்துக்கு கால் எல்லாம் இருக்குமா ? அவனுக விளையாடுற பந்துக்கு கால காணோம் ?"

"...................................???"

வாழ்வே மாயம் , இந்த வாழ்வே மாயம் .............................
(அட நம்ம ரிங் டானுங்க. நம்ம குளோஸ் பிரண்டு தான் , ஊர்ல இருந்து )

"ஹலோ , சொல்ரா மாப்ள எப்படி இருக்க? "

"நல்லா இருக்கண்ட மாமா , என்னா பன்ற?"

"புட்பால் வேல்டு கப் குவாட்டர் பைனல் பாத்துகிட்டு இருக்கண்டா "

"ஓ... நீயும் குவாட்டர் பைனலா ? நானும் இங்க "குவாடர்ல" பைனலாதான் இருக்கேன்""(ஆகா , பய புல் மப்புல இருக்கான் , இன்னைக்கு நாம தான் இவன்னு ஊருகாயோ ?)

"சொல்ரா மாப்ள வேறென்ன விசேசம்? "

"ஆமா , யார்யாருக்கு மாமா மேட்ச் ? "

"பிரேசில் vs ஹாலந்து "

"ஃபஸ்ட்டு பேட்டிங் யாருடா ?"

"????@@@###%%%%.........................."

ஓரளவுக்கு ஒரு முடிவுக்கு வந்துட்டேன் ,ஆகா சனி சட போட ஆரம்பிச்சிருச்சு , இனி பூவச்சு போட்டு வைக்காம போகாதே ?. சைலண்ட்டா மேட்ச் பாத்துகிட்டு இருந்தேன் .

அப்ப பக்கத்து வீட்டு பாட்டி வந்தாங்க , வந்து ஒரு அஞ்சு நிமிஷம் மேட்ச் பாத்தாங்க...... ,

" பாவம் புள்ளைக ஒரு பந்தவே எல்லாரும் தொரத்திகிட்டு இருக்கானுக , ஆளுக்கு ஒரு பந்து குடுத்தா அவனுக பாட்டுக்கு விளையாடுவானுகல்ல"
அப்படின்னு சொல்லிட்டு போய்கிட்டே இருந்தாங்க

ஆகா நமக்கு கிரகம் சரியில்லைன்னு நம்ம பட்டாபட்டி ஜோசியர் நேத்தே சொன்னார் , அது சரியாதான் இருக்கு.