திருட்டு பயபுள்ளைக .................

முஸ்கி : காலேஜுல ஏகப்பட்ட களேபரங்கள் நடக்கும் , காலேஜ் வாழ்க்கை முழுவதுமே சுவாரசியமானது .(அதெல்லாம் காலேஜ் படிச்சவுங்களுக்கு , உன்னைய மாதிரி கேண்டின் நடத்துனவுங்களுக்கு இல்லை )

எங்க காலேஜுல எல்லோரும் லஞ்ச் கொண்டுவருவோம் (பார்ரா உலக அதிசியத்த? ) . மதியம் குரூப் , குரூப்பா உட்கார்ந்து சாப்பிடுவோம் , எல்லா பயபுள்ளைகளும் லஞ்ச்சுக்கு சோறோட தொட்டுகுற (சைடிஷ்) ஏதாவது ... (சைடிஸ்ச எங்க ஊருல "தொட்டுகுற " அப்படின்னு சொல்லுவோம் ) தேங்காய்சில் , அவிச்ச முட்டை , உருளைக்கிழங்கு , பொறியல் இப்படி ஏதாவது ஒன்னு கொண்டு வருவானுக.

சாப்பிடும் போது சைடிஷ் எடுத்து டிபன் பாக்ஸ் மூடில வைப்பானுக , நானும் , சிவாவும் (நம்ம பிரண்டுங்க ) உடனே அவனுக சைடிஸ்ச எடுத்து லபக்குன்னு வாயில போட்டு சாப்பிட்ருவோம் (ங்கொய்யாலே ...திருட்டு பன்னாடைகளா ? நானா இருந்தா கரப்பான் பூச்சி பிரை கொண்டுவந்துருப்பேன் ). ஆனா எங்க சைடிஷ்ச மெதுவா எடுத்து வாயிக்குள்ள வச்சு எச்சி பண்ணிட்டு எங்க மூடில வச்சுருவோம் (உங்க மூஞ்சிய பாத்தாலே தெரியுது நீங்க எச்சகல பேமிளின்னு ) , எச்சின்னு ஒரு பய அத தொட மாட்டான். (எப்படி நம்ம டெக்னிக்கு ) .

பாருங்க கொஞ்ச நாள்ல எல்லா பயபுள்ளைகளும் இந்த டெக்னிக்க பாலோ பண்ண ஆரம்பிச்சுட்டானுக (அடப்பாவிகளா..., ஒரு ஊரையே எச்சகல ஊராக்கிடிங்களே ?) .

இப்ப என்னா பன்றது?
ஒன்னியும் பன்ன முடியாது

டுஸ்கி: அடுத்து தீவிர ஆலோசனை பன்னி (ஆமா பெரிய்ய உள்துறை அமைச்சரு , ஆலோசன பன்றாரு ),

எங்க கவனத்த லேடிஸ் டிபன் பாக்ஸ் பக்கம் திருப்பினோம். ஒவ்வொரு கிளாஸ் முடிஞ்சா உடன் , 5 நிமிடம் பிரேக் விடுவாக , அந்த டைம்ல லேடிஸ் பாக்ஸ்ல இருக்க சைடிஷ்கள காலி பன்ன ஆரம்பிச்சோம் (இந்த மானங்கெட்ட பொழப்புக்கு குடும்பத்தோட மருந்த குடிச்சு சாகலாம் ), பாவம் அந்த புள்ளைக டெயிலி ஏமாந்து போகுங்க.

இப்படியே கொஞ்ச நாள் ஓடிச்சு திடீர்ன்னு ஒரு நாள் பாத்தா லேடிஸ் பாக்ஸ் எதுலையும் சைடிஸ்ஸ காணும் , தொடர்ச்சியா ரெண்டுமூணு நாள் சைடிஸ் காணும் , நமக்கு பயந்துகினு சைடிஸ் எடுத்திட்டு வர்றதில்லைன்னு பெருமையா நினைசிகிட்டு இருந்தோம் , ஆனா லஞ்ச் முடிஞ்சப்புறம் கேட்டா ஏதாவது ஒரு சைடிஷ் சாபிடோம்ன்னு சொல்லுவாளுக (கேனப்பயலுக .... அப்படின்னு பொண்ணுக மனசுக்குள்ள திட்றமாதிரி ஒரு பீலிங் ),

எங்களுக்கு ஒரே டென்சன் , உடனே செயற்குழு கூட்டினோம் (அட , மொத்த குழுவே நாங்க ரெண்டுபேர் தாங்க )

இல்லாத எங்க மூளைய யூஸ் பன்னி ஒரு அற்புதமான ஆராய்ச்சி பன்னி ஒரு புது ஐடியாவ கண்டுபிடிச்சோம்.(நீங்க மூளைக்கார பயபுள்ளைகடா)

மறுநாள் லேடிஸ் டிபன் பாக்ஸ் எடுத்து சோத்துக்குள்ள விரல் விட்டு பாத்தா , அடிப்பாவிகளா??? எல்லா புள்ளைகளும் சோத்துக்கு அடியில சைடிஸ் வச்சுருக்காளுக!!! (என்னா வில்லத்தனம் ?)

வெற்றி , வெற்றி அப்படின்னு எங்களுக்குள்ளே சத்தம் இல்லாம சத்தம் போட்டுக்கிட்டு புகுந்து விளையாடிட்டோம் , அன்னைக்கு பாக்கணுமே எங்க கிளாஸ் பொண்ணுக மூஞ்சிகள ஒரே அசடு வழிஞ்சது.(மனசுக்குள்ள கெட்ட வார்த்தைல திட்டிருப்பாளுகளோ ?)

பாவம் அந்த பொண்ணுக , அஞ்சு வருஷ காலேஜ் லைப்ல ஒரு நாள் கூட (நாங்க திருட ஆரம்பிச்ச பிறகு ) நிம்மதியா சைடிஸ் சாப்பிட்டதே இல்லை .

டிஸ்கி : அவளுக விட்ட சாபமோ என்னவோ , இப்பல்லாம் ஓசி சாப்பாடே கிடைக்க மாட்டேங்கிது.