தக்காளி செத்தடா நீ

பாருங்க அன்னைக்கு காலைலேயே பூனை குறுக்க போச்சு (யார்ர அவன் பூனைக்கு என்னாச்சுன்னு சவுண்டு விடுறவன்? ) , நரி ஊளை இட்டுச்சு (யோவ், அது அதோட பிகருக்கு சிக்னல் கொடுக்குதுய்யா ), பல்லி சொட்டான் போட்டுச்சு(குளிக்காத உன் மூஞ்சிய பாத்து பயந்திருக்கும் ). ஆஹா..., இன்னைக்கு இயற்கை மொத்தமும் நமக்கு எதிரா செயல்படுதே , என்ன நடக்கப் போகுதோ???

டக்குன்னு காலண்டருல நம்ம ராசிக்கு என்னா பலன்னு பாத்தேன் , "தக்காளி செத்தடா நீ " (காலண்டருல இப்படியெல்லாமா ராசிபலன் போடுவாங்க ?) அப்படின்னு போட்டு இருந்தது .

கடவுளே இன்னைக்கு வர்ற சோதனைல இருந்து என்னைய காப்பத்திட்டன்னா , நம்ம பட்டாப்பட்டி, ஜெய்லானி ,ஜெய் , பன்னிகுட்டி, டெர்ரர் பாண்டி , முத்து , அருண் பிரசாத் , பனங்காட்டுநரி,கோமாளி , ரமேஷ் (ஐ .... மாட்னிங்களா, மாட்னிங்களா, மாட்னிங்களா) எல்லாருக்கும் மொட்டை போட்டு காத்து குத்தி தீச்சட்டி எடுக்க வக்கிறேன்னு வேண்டிக்கிட்டேன் .(இதுல விட்டு போனவுங்க அவுங்களா மரியாதையா வந்து மொட்டை போட்டுகங்க ).

"டேய் மங்கு ...."
(எங்க அப்பா தாங்க )

"இங்க வா , இந்த கவர கொண்டு போய் , போடில இருக்க நம்ம ஆடிட்டர் கிட்ட குடுத்திட்டு வா"

"சரிப்பா"

"அவரு வீடு தெரியும்ல ?"

"அட்ரஸ் குடுங்கப்பா போயிடுவேன் "

"நான் ஒரு வாட்டி சொல்றேன் கேட்டுக்க "

"(எனக்கு பகீருன்னு ஆகிப் போச்சு , ஏன்னா? அவரு அட்ரஸ் டீடைல் சொல்றத பத்தி உங்களுக்கு தெரியாது, ஆஹா .....இன்னைக்கு ராசி பலன் பலிச்சிடும் போல இருக்கே ?) "

"நேரா பஸ்டாண்டு போ , அங்க போடி பஸ் இருக்கான்னு பாரு , இல்லை பாளையம் , கம்பம் பஸ் இருக்கான்னு பாரு"

"சரி "

" வழி சின்னமன்னூர் அப்படின்னு போட்டு இருக்கும்............

"இம் .............."

அதுல ஏறிராத, வழி போடி போட்ருக்கும் , அதுல ஏறு "

"(ஆஹா இதுதான் சோதனையின் ஆரம்பமா ) "அப்பா எனக்கு தெரியும்ப்பா "

"அதுக்கில்லைடா , நீபாட்டுக்கு மாத்தி போயிட்டா ? போடிக்கு போனவுடனே பஸ்ட்டு பார்க் ஸ்டாப் நிக்கும்.... இறங்கிராத, அடுத்து அரண்மனை ஸ்டாப் நிக்கும்.... அதுல இறங்கிராத , அடுத்தது பெருமாள் கோவில் ஸ்டாப் நிக்கும்.... அதிலையும் இறங்கிராத "

"(அவ்வ்வ்வ்வ்வ்...............................என்னங்கடா .....அடிச்சு கூட கேப்பாக , அப்பவும் சொல்லிராதிக கதையா இருக்கே? )

"நேரா பஸ்டாண்டுல போய் இறங்கு "

"( பஸ் ஸ்டாண்டுல போய் இறங்குன்னு முதல்லே சொல்லிருக்கலாம்ல? )"


"பஸ்டாண்ட விட்டு வெளியவந்த உடனே லெப்ட்ல பாத்தா ஒரு சந்து போகும்ல ?"

"ஆமா"

"அதுல போயிராத "

"(உஸ்.................முடியல , வேணாம்........... அழுதிடுவேன் )"

"அதுக்கு அடுத்த சந்துல போனேன்னா , இடது கைபக்கம் பஸ்ட்டு புளுகலர் கேட் போட்ட வீடு இருக்கும்"

"சரி"

"அந்த வீடு இல்லை , அதுக்கு அடுத்த கிரீன் கலர்ல கேட் போட்டு போட்ட வீடு இருக்கும் "

"இம் .................(எவ்ளோ நேரந்தான் வலிக்காதது மாதிரியே நடிக்கிறது)"

"அந்த வீட்டுக்கு எதிர்த்த வீடு தான் ஆடிட்டர் வீடு , வெளில கூட போர்டு போட்டு இருக்கும் "

"("போடி பஸ்டாண்டுக்கு வெளிய செகண்டு லெப்டுல ரைட் சைடு ரெண்டாவது வீடுன்னு சொல்லவேண்டியதுதானே? , ஏன் இந்த கொல வெறி? )"

"அந்த வீட்டுல போய் காலிங் பெல் அடிச்சேன்னா? தலையல்லாம் நரச்சுபோன வயசான ஒருத்தர் முண்டா பனியன் போட்டுக்கிட்டு வந்து கதவ திறப்பார் "

"அவர்கிட்ட குடுத்துடவா ?"

"அட அவரு ஆடிட்டர் இல்லைப்பா , அவரு மகன் தான் ஆடிட்டர் , அவரு மகன் கிட்ட குடுக்க சொல்லி இந்த கவர அவர் கிட்ட குடுத்திட்டு வா "

"ஹா, ஹா, ஹா...............ஹா, ஹா, ஹா ..............."

"ஏன்டா சிரிக்கிற? "

"இல்ல உங்க ஆபீசுல உங்களுக்கு கீழ வேலை செய்றவங்க நிலமைய யோசிச்சு பாத்தேன்........ ஹா, ஹா, ஹா ...............ஹா, ஹா, ஹா ..............."

"அப்ப நீ இந்த வேலைக்கு சரிபட்டு வரமாட்ட , உங்க அண்ணன் எங்க ? அவன அனுப்பலாம் , டேய் .................."

டிஸ்கி : ஜஸ்ட்டு மிஸ்ஸு , மக்கா பட்டாப்பட்டி, ஜெய்லானி ,ஜெய் , பன்னிகுட்டி, டெர்ரர் பாண்டி , முத்து , அருண் பிரசாத் , பனங்காட்டுநரி, கோமாளி , ரமேஷ் உங்களுக்கு மொட்டை கன்பாம்