பேக் டு தி காலேஜ் லைப்

ஆகா................................. ஒரு வாரம் , இனிமையான நாட்கள் , சில வருடங்களுக்கு பிறகு அனைத்து நண்பர்களையும் சந்தித்த சந்தோசம் , பழைய கல்லூரி வாழ்க்கையின் நினைவுகள் ......................

எங்கள் கல்லூரி நண்பர்கள் அனைவரையும் வரவழைத்து , எல்லா கவலைகளையும் மறந்து சந்தோசமாக ஊர் சுற்றினோம் , அதில் ஒரு நாள் ............... அனைத்து நண்பர்களும் மூணாறு கிளம்பினோம் ,

எங்கள் ஊரிலிருந்து மூன்று கிலோமீட்டரில் மேற்கு தொடச்சி மலை ஆரம்பம் , அழகான வளைந்து நெளிந்த மலைப்பாதை , மலை பாதையில் பைக் ஓட்டுவது தனி சுகம் , பதினைந்து நிமிடங்களில் லேசான சில் காற்று , நாற்பது நிமிடங்களில் சில், சில் காற்று , இந்த கோடை வெப்பத்தில் அந்த சில் காற்றை சுவாசிக்க கொடுத்து வைக்க வேண்டும் , முதல் 22 கிலோமீட்டர் காட்டு மலைப்பாதை , அதற்க்கு பின் போடிமெட்டு , தமிழ் நாடு - கேரளா செக் போஸ்ட்.

அங்கிருந்து 16 கிலோமீட்டர் "டீ எஸ்டேட்" , பூபாறை. அதிலுருந்து இரு புறமும் அடர்த்தியான "ஏலக்காய் எஸ்டேட்" , செல்லும் வழியில் மழை சாரல் , மழை சாரலில் நனைந்து கொண்டு மலைப்பாதையில் பைக் ஓட்டுவது மிக அருமையான அனுபவம் , வழியில் பண்ணையார் டேம் , மீண்டும் "டீ எஸ்டேட்" , கேரளத்து சாப்பாடு , போகும் வழியில் அருமையான சிறு அருவி , சில்லென்று குளியல் , மீண்டும் மலைப்பாதையில் , மழை சாரலோடு ஒரு அருமையான அனுபவம் , பலமுறை சென்ற இடம்தான் , ஆனாலும் இயற்கை ...........மலை பள்ளத்தாக்குகள், டீ , ஏலக்காய் எஸ்டேட் , அடத்தியான மரங்கள் , கண்ணுக்கு எட்டிய வரை பச்சை வண்ணம் இவையெல்லாம் எத்தனை முறை பார்த்தாலும் சலிக்காது .

முடிந்தால் நீங்களும் ஒரு முறை மலை பகுதிக்கு சென்று வாருங்கள் . மலைப்பாதையில் பைக்ல போனா ரொம்ப நல்லா இருக்கும் .

டிஸ்கி : இதுல என்னா காமடின்னா, நம்ம குரூப்ள ஒரு பயபுள்ள, ரொம்ப நல்லவன் , எந்த கேட்ட பழக்கமும் கிடையாது , திரும்பி வரும்போது கார்ல வர்றான்னு பைக் பசங்களும் , பைக்ல வர்றான்னு கார் பசங்களும் அவன அங்கேயே விட்டு வந்துட்டோம் , கடைசீல பயபுள்ள பஸ்சுல வந்து எங்கள கொல வெறியோட தேடிகிட்டு இருக்கிறதா செய்தி வந்தது , அதுக்குள் நான் எஸ்கேப் ஆகி இந்த அழகான , கூட்டமில்லாத , டிராபிக் இல்லாத , இந்த கோடையிலும் சில்லுனு இருக்க , தூசியில்லாத , பொழுசன் இல்லாத , ரம்யமான சென்னைக்கு ஓடி வந்துட்டேன் .