என்ன கருமாந்திரம் புடிச்ச உலகம் சார் இது?

ஒரு நல்லது சொன்னா தப்பா சார் , இப்படி போட்டு தொரத்தி ,தொரத்தி அடிக்கிறானுக 

நேத்தைக்கு அயன் வண்டி வந்து துணி இருக்கான்னு கேட்டான் , நானும் என்  வைஃப்  கிட்ட ,

" ஏம்மா அயன் பண்ண துணி இருக்கா?"

"இல்லைங்க "

"அயன் வண்டி வர்றதே ரொம்ப ரேர் , துணி இருக்கான்னு நல்லா பாரும்மா "

'இல்லைங்க  எல்லாம் துவைக்கணும்"

"ஏம்மா அவன் வந்ததே பெரிசு , நீ ஒன்னுபன்னு  பஸ்ட்டு எல்லா துணியையும் இன்னைக்கு அயன் பன்னிக்க  அப்புறமா துவைச்சுக்க "

"போடா......@#@#@#௬௬௬............"

ஏய் , ஏய் .........ஸ்டாப் , ஸ்டாப் , ஸ்டாப் .......

என்ன அநியாயம் சார் இது , இப்போ பொம்பளைங்க கூட கெட்ட வார்த்தையில் திட்ட ஆரம்பிச்சிட்டாங்க சார் .

ஹேப்பி நியுஸ் - மச்சி ஓபன் த பாட்டில்

கங்ராஜுலேசன் நீங்க அப்பா (அம்மா ) ஆகபோரிங்க .

சீ, தூ ......... இந்த தமிழ் படம் பார்த்து, பார்த்து ஹேப்பி நியுஸ் அப்படின்னாலே இதுதான் நியாபகத்துக்கு வருது . சாரி பாஸ் .........

விஷயம் என்னான்னா வருசா வருஷம் நம்ம கவுருமெண்ட்டு நியு இயர் பொங்கல் ,  தீபாவளி ,ரம்ஜான் , பக்ரீத் , குட் ஃபிரைடே , கிறிஸ்மஸ் , காந்தி ஜெயந்தி , சுதந்திர தினம் , குடியரசு தினம் அப்படின்னு லீவு விடுவாங்க . 

பாருங்க இந்த லீவுல சில பண்டிகைகள் சண்டேல வந்து அந்த லீவு வேஸ்ட்டா போகும். 

இந்த வருஷம் கூட பாருங்க இது வரைக்கும்  நியு இயர் , பொங்கல் ,மிலாடி நபி சண்டேல வந்து மூணு லீவு வேஸ்ட்டா போச்சு .

நானும் காலண்டர் எடுத்து இந்த வாரம் ஏதாவது லீவ் வருதா , அது எதுவும் சண்டேல வருதான்னு பார்த்தேங்க .............

ஆஹாஹாஹாஹாஹா...............

 வர்ற வெள்ளிக்கிழமை லீவு .

ஏன் ?

அன்னைக்கு குட் ஃபிரைடே 

இதுல சந்தோசமான சேதி என்னன்னா???

நல்ல வேலை இந்த வருசமும் குட் ஃபிரைடே சண்டேல வரல, ஒரு லீவு தப்பிச்சது 

நானும் சின்ன புள்ளைல இருந்து பாக்குறேங்க குட் ஃபிரைடேதான் ஒரு வாட்டி கூட சண்டேல வரல .

விஞ்ஞானிகள் உடனடியாக மேடைக்கு வரவும்

அன்புள்ளம் கொண்ட விஞ்ஞானிகளே தயவுசெய்து ஏன் பிரச்னைக்கு நல்ல தீர்வு தருமாறு மிகத்தாழ்மையுடன் வேண்டி விரும்பி கேட்டுக்கொள்கிறேன் .

பிரச்சனை என்னன்னா ????

  

பூரான் , பூரான் , பூரான்

 (ஒரு பூரான் தாங்க ஒரு பில்டப்புக்காக மூணுவாட்டி சொன்னேங்க )

 

வீட்டு (பஸ்ட்டு புளோர் )  பாத்ரூம்தண்ணி போற ஹோல்ஸ் வழியா வாரத்துக்கு ரெண்டுதடவை இந்த சனியன் வந்திடுதுங்க . எனக்கு இத கண்டாலே பயங்கர அலர்ஜி. உள்ளங்கால்ல இருந்து உச்சந்தலை வரைக்கும் இருக்க முடியெல்லாம் நட்டமா நின்னுக்கும்.

 சின்ன வயசுல நான் ரொம்ப தைரியசாலி , இத பார்த்தவுடன் பின்னகால் பிடரீல அடிக்க ஓடிப்போயிடுவேன் , இப்போ பாருங்க பயத்துல ஓடக்கூட முடியலை . அதுவும்  என்னைய பார்த்ததும் எப்படிதான் கண்டுபுடிக்குதுதோ தன்னோட அம்பது கால் மேல மீதி அம்பதொகால தூக்கி போட்டு என்னைய பார்த்து நக்கலா சிரிக்கும்.

அதை பார்த்து நான் போடுற சத்தத்தை கேட்டு என் பொண்டாட்டி  வந்து கார்பரேசன் குப்பைலாரில அடிபட்ட சொறிநாய பாக்குறது மாதிரி என்னை பார்த்துட்டு (மனசுக்குள்ள என்ன சொல்லி திட்டுறாலோ???)  பூரான ஹிட் (HIt  ) அடிச்சு கொன்னு தூக்கி போட்டுருவா.

இதுல முக்கியமான மேட்டர் வீட்டு டைல்ஸ் எல்லாம்  டார்க் கலர் , பூரான் பாத்ரூமை விட்டு வெளியே வந்துட்டா அத கண்டு புடுக்கிறதே கஷ்டம் . நானும் ஹவுஸ் ஓனர்கிட்ட போயி சார் டைல்ஸ் எல்லாம்  லைட் கலரா மாத்திக்குடுங்கன்னு கேட்டேன் . 

அவன் என்ன கோவத்துல இருந்தானோ + 2  பசங்க சுவாலாஜி லேபுல மல்லாக்க போட்டு கால்ல ஆணி அடிச்சு   அருத்துபோட்ட தவலைய பாக்குறது மாதிரியே பார்த்தான் , அப்புறம் டைல்ஸ் எல்லாம் மாத்தமுடியாது வாடகைவேன்னா 2000  ரூபா ஏத்துறேன்னு வாடகைய  ஏத்திட்டான் . 

எனவே அன்பும் , பண்பும் , பாசமும் , நேசமும் கொண்ட அன்பு நண்பர்களே இதற்கொரு நிரந்தர தீர்வு இருந்தால் சொல்லவும்.

டிஸ்கி : யப்பா தெய்வகளா நிஜம்மா நல்ல தீர்வா சொல்லுங்க . HIt  வாங்குறதுக்கு மாசம் ஒரு பெரிய்ய பட்ஜெட் ஒதுக்கவேண்டி இருக்கு .